Izalwane zeZimbabwe ezihlala kwele South Africa eziphiwe imvumo yama permit okuhlala kulelolizwe ngokusemthethweni ezedlula inkulungwanei ezingamakhulu amabili, 250 000 sezicele umthethwandaba ukuthi ziphiwe incwadi zokuhlala kwele South Africa kokuphela.
Amapermit la, awanikezwa izizalwane zeZimbabwe kusukela ngomnyaka ka 2009, abengaweminyaka emine kodwa elokhu evuselelwa.
Akhangelelwe ukuphela umsebenzi ekupheleni komnyaka wonalo.
Ngalokho abamela abalama permit la bahambise isicelo emthethwandaba ukuthi kulokuphiwa ama permit amatsha sebecela ukuphiwa imvumo yokuhlala kokuphela njengama permanent residents.
Lelinyathelo lamukelwe ngokudana ngezinye izizalwane zakwele South Africa. Ziloba enkundleni zokuxhumana ebulenjini, ezinye izizalwane zakwele South Africa zithe kumele lama permit vele zingasawaphiwa izizalwane zezimbabwe.
Sixoxe lomkhokheli wenhlanganiso elwela izizalwane zamazwe awezwekazi le Africa, eye Africa Diaspora Forum, uMnu. Vusumuzi Sibanda ukuze sizwe okunengi ngaloludaba.
