Namuhla lilanga elafakwa ngumanyano we SADC lokulimukisa umhlanga ngezijeziso ezetheswa inkokheli yebandla leZanu PF ngesikhathi kulesithunywa wse United Nations elizweni ukuzohlola ukuthi lezi zijeziso zithwalisa njani uzulu.
UNkosikai Alena Douhan usehlangane leziphathamandla zikahulumende esizwa ukuthi bathini ngezijeziso lezi.
UDouhan wanxuswa nguMongameli Emmerson Mnangagwa. Useke wanxuswa kwamanye amazwe abalisa ele Syria lele Veneula awetheswa izijeziso zenotho ngamazwe entshonalanga.
UDouhan wethule umbiko ngeviki edluleyo enxusa abafuna ukuzomupha imbono yabo ngodaba lwezijeziso ukuthi bamlobele isicelo.
Umkhokheli webandla leMDC-T uMnu. Douglas Mwonzora ubenguye umkhokheli webandla eliphikizayo wakuqala ukukhuluma lo Douhan ngolwesihlanu.
Sixoxe lesikhulumeli sebandla leMDC-T, uMnu. Witness Dube saqala ngokumbuza ukuthi uMwonzora ukhulumeni lesithunywa se United Nations.
Lokhu sikudaba lunye, uMongameli Emmerson Mnangwa ngomnyaka ka 2018 watshela izinduna emhlanganweni ukuthi uzulu weZimbabwe kumele atshiyane lomkhuba wokusola izijeziso zenotho ngoba ilizwe lilakho ukuzithuthukisa kungellani lezijeziso zenotho.
Ukuhlaziya udaba lwezijeziso lezi sixoxe lengcwethi ecubungula ezombusazwe, uMnu. Walter Nsununguli Mbongolwane.