amalinks wokungena

Breaking News

Umhlangano Webandla leZanu PF Wenziwa Kulembiko Yokudonselana Amandla. Kambe Ingaba Iliqinso?


Umongameli Mnangagwa alomsekli wake, uMnu. Constantino Chiwenga
Umongameli Mnangagwa alomsekli wake, uMnu. Constantino Chiwenga

Umhlangano webandla leZanu PF oqale izolo ebindura uyaqhubeka ngesikhathi kulemibiko ethi umongameli emmerson mnangagwa ubangisana isikhundla lomsekeli wakhe, uMnu. Constantino Chiwenga. UMnangagwa ukhagelelwe ukwethula amazwi akhe emhlanganweni lo ngoLwesithathu.

Lokhu kwenzakala omunye umsekeli webandla leZanu PF, uMnu. Sybeth Musengezi ethule udaba lokuthi uMnangagwa wakhethwa ngokungekho emthethweni.

Ingcwethi kwezombusazwe zithi inyathelo elathathwa ngu Musengezi lingaba laqoqwa ngabecele likaMnu. Chiwenga.

Eloba ekundleni yokuxhumana, iTwitter, enye yalezingcwethi uMnu. Alex Magaisa uthi kukhanya abaqoqa uhlelo lokususa uMnu. Robert Mugabe bengasathakazeleli indlela umumo wezomnotho ohamba ngayo.

Ngalokho sebesenza amaqhinga okumsusa.

Umhlangano wezanu pf awandisanga ukuhlaziya indaba ezimayelana lobukhokheli. Sixoxe lesiphathamandla sebandla leZanu PF, uMnu. Joseph Tshuma yena olandula ukuthi kulokudonselana phakathi kukaMnangagwa loChiwengwa.

please wait

No media source currently available

0:00 0:01:24 0:00


XS
SM
MD
LG