Ibandla leMDC Alliance selisole umbiko wesithunywa somnayano we United Nations, uNkosikazu Alena Douhan lisithi wethula lumbiko bephakathi kokwethula imbono yabo.
Oumnye wabasekeli bakamongameli webandla, uMnu. Tendai Biti, elfba enkundleni yokuxhumana eye Twitter, uthi kuyabamangalisa ukuthi njengebandla eliphikisayo elikhulu elizweni uDouhan engethula umbiko wakhe kungelambono wabo.
Iziphathamandla zebandla leli ezhlangana lo Douhan zibalisa uBiti, unobhala jikelele uMnu. Charlton Hwende, obona ngobudlelwano lamanye amazwe, uNkosazana Gladys Hlatzwayo lobona ngezenhlalakahle, loNkosazana Maureen Kademaunga.
Lanxa Douhan esithi izijeziso zenotho ezetheswa amalunga eZanu PF yiMelika leBhilithani kumele zesulwe ngoba zilimaza uzulu makhaza, amazwe womabili akhangelelwe ukuqhubeka efake lezizijeziso.
Ekhuluma lentathelizindaba izolo, Douhan ukhuthaze njalo uhulumende kaMongameli Emmerson Mnangagwa ukuthi asungule inkulumo eziqotho ukuze kulungisiswe okuhluphayo kwezombusazwe, kuhlonitshwe amalungelo oluntu njalo lomthetho ulandelwe ngemfanelo.
Uthe kumele kuqedwe njalo inkohlakalo.
Lanxa eleMelika lingakaphenduli umbiko kaDouhan, selikubeke kwacaca esikhathini esedluleyo ukuthi ukuze lesule izijeziso lezi, kumele uhulumende ahloniphe amalungelo oluntu, aqede inkohlakalo njalo elandele imithetho yelizwe ngemfanelo.
Sixoxe lelunga leZanu PF uMnu Believe Gaule yena othi kaboni zisuswa lezi zijeziso.
Siphinde samosa lengcwethi ecubungula ezombusazwe, uMnu. Thandeko Zinti Mkandla yena uthi umbiko ka Douhan umumethe okugamula nxa zonke.