USibangilizwe Nkomo, osanda ukukhethwa ukuba ngumholi webandla le Zapu eselama umuyi, uMnu. Dumiso Dabengwa uthi ibandla leli liphakathi kokukhula hatshi ukuvuselelwa ngoba livele selivukile.
UNkomo uthi akulamuzi ongazange ube ngowe Zapu ngensuku zakudala.
Kudaba lokumanyana lamanye amabandla uNkomo uthi Lana befuna ukukhulumisana lamanye amabandla abasoze bajahe ngoba sebangena eminye "imitshado" efana le Unity Accord okwatshiya ibandla le Zapu lingatholanga lutho.
Kodwa uthi amabandla alembono efana leyabo afaka phambili indaba ezifana le Devolution of Power, kumbe ukupha amandla izigaba bazakhulumisana lawo.
