amalinks wokungena

Breaking News

Uhulumende Uqhelisa Ukusebenza Kweziqondiso zeLockdown Kulabanye Asebesithi Usesebenzisa Imigoqo Le Ukuvimba Ukukhankasa


Unkosikazi Monica Mutsvangwa.
Unkosikazi Monica Mutsvangwa.

Uhulumende izolo uqhelise ukusebenza kweziqondiso zeCovid-19 phansi kwezinga lesibili, uLevel 2, ngamanye njalo amaviki amabili.

Lokhu kwaziswe ngumphathintambo obona ngokwethulwa kwemibiko uNkosikazi Monica Mutsvangwa.

Uthe bathethe lelinyathelo ngenjongo yokukhuthaza abantu ukuthi bahlatshwe ukuze kuvinjwe ukumemetheka kwalumkhuhlane ngamandla okwesine, kumbe i4th wave, ekhangelelwe ukuqala ngesikhathi sekhefu lekhisimusi.

UMutsvangwa ukhuthaze uzulu ukuthi ahlatshwe ngobunengi. Abanye bayakusola kakhulu ukuqheliswa kweziqondiso lezi besithi kumele zesulwe kokuphela ukuze uzulu avunyelwe ukudinga indlela zokuziphandela kungela migoqo.

Kodwa umqondisi wenhlanganiso eqhuba inhlelo zokwenqabela ukumemetheka kweCovid-19, iZimbabwe Christian Alliance, uMnu Useni Sibanda, uthi kulungile okwenziwe nguhulumende.

please wait

No media source currently available

0:00 0:03:33 0:00

Ukuhlaziya loludaba, uSithandekile Mhlanga weStudio 7 uxoxe loMnu. Mbuso Fuzwayo, ingcwethi ecubungula ezombusazwe, yena othi uhlelo lolu lungaphumelela nxa amabandla ezombusazwe wonke engalandela lezi iziqondiso ngokufanayo.

please wait

No media source currently available

0:00 0:02:40 0:00


XS
SM
MD
LG