Inani lezizalwane zeZimbabwe ezihlala kwele South Africa eziphatheke kumisebenzi yobugebengu liyaqansa.
Kuyonale iviki kubelodaba emaphephandabeni akwele South Africa olomunye undoda, odabuka eZimbabwe uThemba Prince Willard Dube obetshontshe ifoni kodwa kwatholakala ukuthi nguye obehamba ebulala abesifazane.
Amapholisa abikwa ethole izidumbu zabesifazane eziyisikhombisa esigabeni se Limpopo.
Ngesikhathi esedluleyo bakhona abadabuka eZimbabwe ababotshwa bethathela imali abezimota ezithwala imali.
Kodwa amanani awethulwa nguhulumende wele South Africa atshengisa ukuba inani labokuza abasemajele akwele South Africa liyisilinganiso esiyisikhombisa ekhulwini, 7 percent kuphela.
Sixoxe lomkhokheli wenhlanganiso elwela amalungelo abesifazane, eye ZimImbokodo, uNkosazana Victress Mathuthu ukuze sizwe imbono yakhe ngaloludaba.
