WASHINGTON DC —
Inhlanganiso yezindaba, eye CITE ithi uhlelo lwayo lokukhuthaza abantu, ikakhulu ontanga, ukuthi bayobhalisela ukuvota ngokubapha ithuba lokulungisa inwele zabo nxa bengenza lokhu, luyaphumelela.
Ko Bulawayo ngesinye sezigaba zelizwe ezilenani labantu abalutshwana ababhalisela ukuvota.
Imbiko esiyithole kumabandla ezombusazwe ithi idolobho lako Bulawayo lilakho ukucitshelwa izabelo zokuvota, ama constituency, amabili kumbe amathathu ngenxa yokuthi balutshwana ababhalisela ukuvota.
Umqondisi wenhlanganiso ye CITE, uMnu. Zenzele Ndebele utshele iStudio Seven ukuthi bapha amakuponi okulungisa inwele okungabiza amadola emelika angamatshumi amahlanu, $50 ngamuntu munye obhalisele ukuvota.
