Ikhomishini ebona ngokuqhutshwa kokhetho, iZimbabwe Electoral Commission, ithi uhlelo lwayo lokubhoda ngelizwe ibhalisa abantu abalelungelo lokuvota, imobile voter registration, obelumele luqale mhlaka 6 ngoMpalakazi soludluliselwe phambili.
Kodwa ithi uzulu engaqhubeka esiyabhalisa endaweni ezihleliweyo ezivele zikhona lanxa abanengi besithi zinlutshwana lezindawo njalo zikhatshana.
Inhlanganiso ezizimeleyo zithi ukuphuza kweZEC ukuqhuba uhlelo lwe-mobile voter registration kuzakwenza abantu abanengi behluleke ukubhalisela ukuvota kukhetho luka2023.
Zithi lokhu kuzabangela ukuthi kwehliswe indawo zabameli bephalamende, ama-constituencies.
Sixhume okhokhela ugatsha lokwethulwa kwemibiko kumkhankaso okhuthaza uzulu wemaphandleni eMatabeleland ukuthi abhalisele ukuvota ngobunengi oweEkhayaVote2023 uMnu Nkosikhona Dibiti.