amalinks wokungena

Breaking News

Ilunga leZanu PF Elathi uChiwenga Ungcono kuloMnangagwa Ngoba Engenelisi Ukubusa Labotshwa, Lizithola Lisenkingeni


UMnu. Constantino Chiwenga
UMnu. Constantino Chiwenga

Umthethwandaba kamantshi eBindura izolo wale ukuvumela ilunga leZanu PF eletheswa umlandu wokuthuka uMongameli Emmerson Mnangagwa ukuthi lidlulisele udaba lolu phambili luyethethwa yiConstitutional Court.

Umsolwa uMnu Goodman Musariri ubotshwe nyakenye kuthiwa uthuke uMnangagwa ngemva kokuthumela umbiko kumaWhatsApp group eZanu PF esithi umsekeli kaMnangagwa uMnu Constantino Chiwenga kumele athathe intambo zombuso ngoba yena uMnangagwa engalalo ikhono lokukhokhela.

UMusariri, omelwa ngamagqwetha eZimbabwe Lawyers for Human Rights ubefuna udaba lwakhe luyethethwa yiConstitutional Court ngoba esithi imithetho esetshenziswa ukubopha abantu abetheswa icala lokuthuka uMongameli welizwe ayikho emthethweni.

Umthethwandaba kamantshi uzaqhubeka uthetha loludaba mhlaka 14 ngenyanga ezayo.

Kulomantshi webeitbridge olahle icala elifanayo ebelisetheswa abasolwa ababili kunsukwana ezedluleyo. Sixoxe lohlaziya ezombusazwe njalo engunobhala jikelele webandla leZapu uMnu Mthulisi Hanana.

Kolunye udaba olufanayo, abasekeli bebandla leMDC Alliance abayisithupha ababotshwe ngempelasonto emuzini we Epworth duze le Harare ngemva kokuthuka amapholisa besithi bayizinja zika Mnangagwa baze bakhululwa esitokisini izolo.

Abayisithupha laba babikwa bathuka ipholisa elabopha omunye wabo ogokekileyo lamhudula yikho okwapheselwana la mazwi.

Baphiwe ithuba lokuhlawula imali engamadola azinkulungwane ezinhlanu, Z$5 000 ngamunye.

please wait

No media source currently available

0:00 0:03:39 0:00


XS
SM
MD
LG