Abalandeli bebandla leZanu PF koBulawayo babikwa sebehluthune njalo indawo zokuthengisela izithelo lemibhida behlawulisa abafuna ukuthengisela kuzo amadola amabili eMelika.
Lindawo esesitaladeni uFife Street phakathi kuka Herbert Chitepo Street lomgqwaqo uFort Street, eyaziwa ngokuthi yi World Bank ngenxa yokwanda kwabosiphatheleni ibikwa ibixokozela kuyonale iviki abalandeli beZanu PF bethwalisenzima uzulu bebamba ngamandla abafuna ukuthengisa ukuthi baqale babhadalele ama card ebandla leZanu PF.
Kumaviki ambalwa asanda kwedlula bake bahluthuna njalo lindawo kwaze kwangenela umanisipala kwakhulunyiswana.
Imizamo yokukhuluma leziphathamandla zebandla leZanu PF yehlule.
Kodwa senelise ukuxoxa lesikhulumeli sebandla leMDC Alliance koBulawayo uMnu. Swithern Chirowdza.
