Umkhokheli webandla leMDC-T, uMnu. Douglas Mwonzora selobele ikhomisheni yezokhetho, iZEC, eyazisa ukuthi ibizo elithi MDC ngelebandla lakhe njalo lingazasetshenziswa libandla leMDC Alliance kukhetho lwama by elections ngenyanga kambimbitho lonyaka.
UMwonzora uthe ibandla lakhe laphiwa amandla yisinqumo sedale le Supreme Court.
Lokhu kutsho ukuthi iZEC ingafeza izifiso zebandla leMDC-T ibandla leMDC Alliance lizamele lidinga ibizo ngokutshetsha
Kunjalo nje, bandla leMDC Alliance lithi amalunga alo awaxotshwa edale lephalamende lakukhansili yiwo azamela ibandla kukhetho lwama by elections ngenyanga ka Mbimbitho.
KoBulawayo kulezikhundla zedale lephalamende ezimbili zedale lephalamende ezizancintiswa kuthi ezamakhansila ziyithoba munwe munye.
Kuthi eHarare yikho okulezikhundla zedale lephalamende ezizancintiswa ezinengi, ezilitshumi lambili, lezamakhansili ezingamatshumi amabili lathoba munwe munye, 29.
Ilizwe lonke jikelele lizakuba lokhetho lokudinga amalunga edale lephalamende ezingamatshumi amabili lasithoba minwe mibili 28, lamakhansila alikhulu lanhlanu, 105.
Sixoxe lesikhulumeli sebandla leMDC Alliance ko Bulawayo, uMnu. Swithern Chirowodza.
