Ukuxokozela okwenzakale emabandleni ezombusazwe izolo ngesikhathi kusemukelwa amaphepha abazancintisa kukhetho lwama by elections kutshengise ukuthi amabandla aphikisayo alokhu esalohambo olude ukuthi benelise ukulwisana lebandla leZanu PF.
Kubandla elitsha ele Citizens Coalition for Change libe lamalunga amabili ancintisayo kwezinye izigaba zako Bulawayo lase Masvingo, lehluleka ukufaka ozamela ibandla kukhansili yesinye isigaba seMatabeleland North.
Kuthi amanye amabandla ehluleka khona ukuthi bafake ngitsho loyedwa ozancintisa.
Kambe kungaba kutshengisa na ukuthi amabandla aphikisayo awakalungiseleli ukhetho lwama by elections citshe lolwelizwe lonke ngomnyaka ozayo?
Ukuhlaziya loludaba sixoxe lelunga lebandla leMDC Alliance, uMnu. Peter Moyo endawonye lelunga le Africa Freedom Party, uMnu. Moses Nhlanhla Ncube onguye osungula lingxoxo.
