UMkhokheli webandla leMDC-T, uMnu. Douglas Mwonzora uthi usexotshe uNkosazana Thokozani Khupe ebandleni. UKhupe yena ngeviki edluleyo wazise ukuba usebumbe icele lebandla leli esithi ngoba uMwonzora usezithi ngumkhokheli webandla le MDC-Alliance.
Ekhuluma lentathelizindaba namuhla eHarare, uMwonzora uthe uKhupe wayengwa ngamalunga ecele leZanu PF elithiwa G40 ukuthi axexebuke kubandla leli akhokhele elinye icele.
Uphinde wathi balethemba lokuthi bazanqoba kukhetho lapho athi benelisa ukufaka amalunga afika isilinganiso esifika phose kukhulu ekhulwini, 90 percent kukhetho lokudinga amalunga edale lephalamende.
Uthi njalo kukhetho lokudinga amalunga amakhansili benelise ukungenisa abazamela ibandla abayisilinganiso esifika phose amatshumi ayithoba minwe mibili, 77 percent.
Sixoxe lesikhulumeli sika Nkosazana Khupe, uMnu. Ntando Ndlovu.
