WASHINGTON DC - Inhlanganiso ekhankasela ukulondolozwa kwamalungelo oluntu, iZimbabwe Human Rights NGO Forum, ithi ziyanda izehlakalo zokuhlukuluzwa kwabasekeli bakaMnu Nelson Chamisa selokhe kubunjwe ibandla lakhe leCitizens Coalition for Change (CCC).
Kumbiko ewethule izolo, linhlanganiso ithe abenza lokhu ngamapholisa, amasotsha kanye lamalunga eZanu PF.
Ithe njalo udlakela lolu lubhahe kakhulu lapho okuqhutshwa khona imikhankaso yokhetho lwamaby-elections.
Linhlanganiso yengeze yathi kusukela ngoZibandlela sokube lezehlakalo zodlakela lwezombusazwe ezedlula ikhulu, 112.
Ibandla leCCC lithi abasekeli bayo batshayiwe ngabasekeli beZanu PF phambilini komhlangano walo oqhutshelwe eHarare nguChamisa ngeSonto njalo amanye abotshelwe amacala angekhoyo.
Lanxa sehlulekile ukukhuluma lamaphosa, umqondisi obona ngokwethulwa kwembiko kuZanu PF uMnu Tafadzwa Mugwadi ukulandule ukuthi ibandla lakhe lihlukuluza abasekeli beCCC.
