amalinks wokungena

Breaking News

Sebethwele Nzima Abadabuka eZimbabwe Abafunda Kwele Unkraine


Abadabuka eZimbabwe abafunda kwele Ukraine bangena endaweni yokuzivikela kumabhomba kwele Ukraine elihlaselwa ngele Ukraine. (Credit: Zim students)

EleRussia selihlasela ngamandla eleUkraine endaweni ezitshiyeneyo ngesikhathi abadabuka eZimbabwe abafunda kulelolizwe bezama ukubalekela kwele Poland.

IReuters ibika ukuba ibutho lakwele Russia seliseduzane leKyiv, lesigodlo sakwele Ukraine. Abadabuka eZimbabwe abafika amatshumi amahlanu – 50 bathi sebengene emabhasini bezama ukuyafika kwele Poland lapho abazathenga khona amatikiti okugada indizamtshina.

Kulabanye abasele emakolotshini anjenge yeVinnytsia abatshelwe yiziphathamandla zendawo le ukuba kumele becatshe kuze kubonakale ukuba eleRussia lizakwenzani endaweni le. Bathi kugcono bevunyelwe ukuba baye kwele Moldova kumbe ePoland ngoba sebedlela evalweni.

Kubikwa ukuba kudubuke amabhomba ambalwa duzane ledolobho lapho abahlala khona ngakho-ke bathi kunzima kakhulu ukuba behlale kulelolizwe okwamanje. Izifundi lezi ziyakhala njalo ngokuthi zizalahlekelwa yizifundo zingasuke kwele Ukraine.

Abakunhlanganiso yeDiaspora Network, abagoqela uNkosazana Faith Chemari ohlala kwele Germany, sebezama ukunceda izifundi lezi eziya kwele Poland. Omunye wezifundi ezikwele Ukraine, uLaison Moyo, uthi sebethwele nzima elizweni leli.

UMnu. Rejoice Ngwenya, olumntwana owake wafunda kwele Ukraine, uthi seziphelile izifundo zabantwana bakwele Zimbabwe.

Facebook Forum

XS
SM
MD
LG