Udwendwe lwemota zebutho lwakwele Russia olude okungaba ngamakhiloitha angamatshumi amane soluze lwafika duzane lesigodlo sele Ukraine iKyiv okwesatshelwa ukuthi ele Russia selifuna ukuqinisa isandla kumpi yokugenqula uhulumende walelolizwe ngemva kokwehluleka kumalanga amahlanu aldluleyo.
Izolo ebusuku amabutho akwele Russia adubule ibhomba edolobheni le Kharkiv lababulala abantu abalitshumi okubangele ukuthi umongameli Volodomyr Zelensky athi amabutho akwele Russia asebulala uzulu mahlayana okulicala phansi kwemithetho yamazwe omhlaba.
Kubikwa kulabantu abavela kwamanye amazwe asebelobise ukuthi bafuna ukuyaphathisa uhulumende wele Ukraine ukulwisana lebutho lwakwele Russia.
Ugatsha olubona ngokwenzkala phandle kwelizwe olwebandla leCitizens Coalition for Change Diaspora Network oseluphathise izifundi zeZimbabwe ezikwele Ukraine, luthi sokusele izifundi ezingamatshumi kuphela ezikwele Ukraine.
Unobhala wogatshwa lokwethulwa kembiko, uMnu. Nick Mangwana uthi uhulumende usephathise izifundi ezedlula ikhulu, 118.
Uthi sokusele nje ukuzithengela amatikiti wokuya ekhaya. Ukuhlaziya loludaba sixoxe loMnu. Difa Wajapi Bango Dube.
