amalinks wokungena

Breaking News

Umongameli Biden Uthi Usemise Ukuphapha Kwendizamtshina zakweleRussia KweleMelika; Emazwini Akhe Omumo weSizwe


Umongameli Joe Biden esethula amaze akhe awomumo wesizwe.

Umongameli Joe Biden usemise ukuphapha kwendizamtshina zakwele Russia phezu kwelizwe leMelika njengezinye zezijeziso zenotho ezetheswa ele Russia ngenxa yokuhlasela ele Ukraine.

UBiden ubesethula amazwi akhe aqakathekileyo amayelana lomumo wesizwe, iState of The Union address. UBiden uthe njalo uhulumende wakhe uzimisele ukulwisana lokugugudeka komnotho osekuhlasele lelilizwe kwakhweza intengo yempahla lokudla ezitolo.

UBiden engakethuli amazwi akhe uqale ngokungcoma omele ele Ukraine kweleMelika, uNkosikazi Oksana Markarova obesedale leli esithi ilizwe leMelika lizakuma lozulu wele Ukraine, amalunga aleli dale owebandla lama Democrats lama Republicans avungama eqakeza.

UBiden usole uPutin esithi ukubambana okwenziwe ngamazwe amanengi esola ele Russia lemigoqo ethethwe ngamazwe la abalisa eleMelika kutshengisa ukuthi uPutin wehlulekile ukwehlukanisa amazwe kodwa abambana ngamandla ngenxa yokuhlasela ele Ukraine.

UBiden ulandise ngemizamo yakhe yokuvuselela umnotho welizwe esithi umthetho wakhe wezemithelo wanceda abampofu kulowafakwa nguhulumende owedlulayo esithi waphathisa ingcosana nje yabantu abavele belemali eningi.

UBiden uthe uzajezisa amankampani azakweza intengo mahlayana efuna nje ukuthola inzuzo.

UBiden uthe uhulumende wakhe usesungule imisebenzi eminengi kungakhathalekile lokuthi ilizwe lomhlaba jikelele uphakthi kobhubhane lwe Covid 19.

please wait

No media source currently available

0:00 0:04:09 0:00

Facebook Forum

XS
SM
MD
LG