amalinks wokungena

Breaking News

Bathwele Amagabha Avuzayo Abantu Kwele Ukraine Ababhonjwa Sonke Isikhathi Libutho Lakwele Russia


Bathwele nzima abantu kwele Ukraine ababhonjwa mahlayana libutho lakwele Russia elifuna ukuhluthuna intambo zombuso.

Ibutho lakwele Russia selihluthune inkampani ephehla umlilo kagetsi isebenzisa i-nuclear ezansi yakwele Ukraine kulandela ukubhomba elikwenze izolo endaweni le, kwalumatha umlilo.

IReuters ibika ukuba iZaporizhzhia Nuclear Plant, enkulu okwedlula zonke indawo ezisebenzisa i-nuclear kuzwekazi leEastern Europe, ilakho ukucitshwa libutho leRussia elifuna ukususa uhulumende wakwele Ukraine ngenkani. Ibutho leli libhomba ngamandla emadolobheni abalisa isigodlo selizwe leli iKyiv, eChernihiv leKharkiv.

Indawo ezinengi sezingamanxiwa. Sokubulewe abantu abedlula inkulungwane ezimbili – 2,000 kulelolizwe kwathi abanye balimala.

Umanyano weUnited Nations uthi abantu asebebaleke kulelolizwe bayaphephela emazweni atshiyeneyo bedlula isigidi – 1.2 million.

Uthi abedlula izigidi ezine – 4 million bakhangelelwe ukuba bazabelekela impi le lonyaka. Bagoqela abadabuka eZimbabwe abafunda kulelolizwe.

ULaison Moyo, omunye wabadabuka eZimbabwe ofunda kwele Ukraine ophephele kwele Hungary, uthi ulakho ukulahlekelwa yizifundo zakhe kulandela ukuqhamuka kwempi le. Uthi uzazama ukuyaphutshisa izifundo zakhe kwele Zimbabwe.

UMnu. Thandeko Mnkandla, ingcwethi kwezemfundo ezimeleyo.

Facebook Forum

XS
SM
MD
LG