Sokusele insuku ezingamatshumi amabili ukuba kuqhutshwe ukhetho lwama by-elections eZimbabwe. Iqhubekela phambili imikhankaso yokhetho lolu eyenziwa ngamabadla atshiyeneyo.
Abakubandla leZanu PF bancediswa yiziphathamandla zebandla leli ekuqhubeni imikhankaso endaweni ezitshiyeneyo kuthi njalo labakumabandla aphikisayo basekelwa kakhulu ngabakhokheli babo. Kulabanye abazimeleyo abangena ezindlini zabantu bedinga usekelo. Omunye wabo nguMnu. Janana Ngwenya, oncintisa kukhetho lokudinga ukhansila kuWard 26 koBulawayo.
Ibandla leRepublican Party of Zimbabwe lalo libabantu abambalwa abancintisa kukhetho lolu. Umkhokheli webandla leli, uMnu. Kwanele Hlabangana, uthi bafisa ukuba uzulu akhokhelwe ngabantu abahloniphekayo.
UMnu. Effie Dlela Ncube, ingcwethi kwezombusazwe ezimeleyo, uthi ukukhankasela ukhetho eZimbabwe kugxile emalini.
UNcube uthi amanye amabandla akhankasa nzima.
Ibandla leZanu PF lalo selingene kuzulu liqhuba imikhankaso yalo. UMnu. Joseph Tshuma uthi lenza njengamanye adinga usekelo.
UTshuma uthi kunengi okuthenjiswa abantu kukhetho lolu.
Kukhangelelwe ukuba kuzakwenziwa imihlangano eminengi kungakenziwa ukhetho lolu. Kulomuntu oyedwa osebulewe ngesikhathi kulungiselelwa ukhetho lwama khansila labazamela izigaba ezitshiyeneyo edale lephalamende.