amalinks wokungena

Breaking News

Abalimi Bakhala Ngezilimo Esezibunile Emasimini Ngenxa Yokusilela Kwezulu


Umphathintambo obona ngezokwethulwa kwembiko uNkosikazi Monica Mutsvangwa namuhla uthe uhulumende uzaqinisa inhlelo zakhe zokuthelezela ukwenzela ukuthi abalimi bethole isivuno esithe xaxa.

Ekhuluma lentathelizindaba ngemva komhlangano labaphathintambo bakahulumende eHarare ngoLwesibili, uNkosikazi Mutsvangwa wengeze wathi uhulumende uzaphathisa labalima ingqoloyi.

Ngakwelinye icele, abalimi bathi ukudla kuzasilela elizweni lonyaka ngenxa yokungani kwezulu eleneleyo njalo lanxa linganetha, alisoze livuselele zonke izilimo esezibunile.

Ingcwethi ecubungula ezokulima uMnu. Thandeko Zinti-Mnkandla uthi imizamo kahulumende ayisoze isize abalimi makhaza.

Umlimisi njalo eyisiphathamandla senhlanganiso ye Green Afrique Technologies uMnu. Anglistone Sibanda uthi ukungani kwezulu kungawubhidliza ngamandla umnotho welizwe. Uxwayisa abalimi ukuthi belime ezinye izilimo.

Umphathintambo obona ngezokulima uMnu. Anxious Masuka usanda ukugcizelela ukuthi uhulumende uzakwakha amanye njalo amadamu ukwenzela azaphathisa kunhlelo zokuthelezela.

please wait

No media source currently available

0:00 0:05:39 0:00

XS
SM
MD
LG