amalinks wokungena

Breaking News

I-Zimbabwe Imanyana Lamazwe Womhlaba Ukunanza Usuku olweInternational Women's Day


International Women's Day 2022

EleZimbabwe limanyana lamanye amazwe womhlaba, ukunanza usuku oluqakathekisa imisebenzi yabesifazane, olwe International Women’s Day ngenkuthazo yokutholisa abasifazane amathuba okuba zinkokheli kanye lendlela zokumelana lobunzima obudalwa yikuguquka komkhathi, i-Climate Change, ngoba abesifazane lamantombazana beyibo ababhekana lobunzima obuphindiweyo.

Internationsl Women's Day 2022
Internationsl Women's Day 2022

Abesifazana benhlangothi ezitshiyeneyo zempilo babuthene bethakazalela iInternational Women’s Day, emkhosini owenzelwe eHarare Gardens esigodlweni, lapho abenhlanganiso zabesifazana ezehlukeneyo zibe zilendawo zokubukisa umsebenzi eziwenzayo.

Isiphathamandla senhlanganiso yamagqwetha eye Law Society of Zimbabwe unkosikazi Teedzei Gideon Mlambo obekustanda sabo lapho abakade bebukisa khona, ulandisa kabanzi ngalokho.

International Women's Day
International Women's Day

“ Kuqakathekile kithi e Law Society ngoba amalungelo abomama kithi ngamalungelo aqakathekileyo kithi njenge Law Society yikho silapha sihlanganyele labanye. Yithi esabuya lomqondo wokuthi sibuthane, sabuthana singama organisation akwana 16. Sisalomango omkhulu owokuthi sihambe silwisane lalento okuthiwa yi Gender Based Violence. ”

Wengeza ethi enye indikimba abangayo njengenhlanganiso ye LSZ ngethi “ break the bias ” unkosikazi Gideon Mlambo.

“ Ama bias nxa sisitsho, sitsho izinto esivele sizikholelwa kizo kusukusela kudala ukuthi omama kabalamandla, amandla ngawabobaba kuphela. Ukuthi omama kabala malungelo, amalungelo ngawabobaba kuphela , so siyala lamuhla sithi hayi, asitshiyaneni lemiqondo yakudala, so we are breaking the bias.”

Unkosikazi Lindani Dube, ophatheke kumikhankaso yokulwela ilungelo loluntu uthi luqakathekile kakhulu lolusuku lokunanza imisebenzi yabesifazane lamantombazana.

International Women's Day 2022
International Women's Day 2022

“Sibona lathi abantu abangabafazi, sesingabantu abaqakathekileyo kakhulu yikho lathi sifuna ukuthi silukhankasele lolusuku ngoba umuntu ongumfazi sebonakala kungaze kube sesikolo, lathi sesihamba ezikolo, umuntu ongumfazi sekwanisa ukufunda laye athathe kumbe ngama Degree lawo kukanti ngasemuva kwakungaqathekiswa umntwana oyinkazana wayephelela endleleni kuthi imali isiphelile kodwa eyomntwana ongumfana ingaswelakali”

Unkosikazi Dube uthi kodwa kumele azifeze lezo zinqumo uhulumende azithathayo ezigoqela ukulinganisa ngesilinganiso esiphakathi laphakathi, kunkokheli elizweni i-50/50 representation elizweni njengalokho okutshiwo yisisekelo sombuso.

Facebook Forum

XS
SM
MD
LG