amalinks wokungena

Breaking News

UChamisa, uChiwenga loMwonzora Bakhankasela Ukhetho Lwama By-elections Endaweni Ezitshiyeneyo


Amalunga ebandla leCitizens Coalition for Change asemhlanganweni eBeitbridge wokukhankasela ukhetho oluzayo. (VOA)
Amalunga ebandla leCitizens Coalition for Change asemhlanganweni eBeitbridge wokukhankasela ukhetho oluzayo. (VOA)

Amabandla atshiyeneyo aqhubekela phambili ngemikhankaso yokhetho oluzayo eZimbabwe. Ibandla leCitizens Coalition for Change namuhla belisenkundleni yeDulibadzimu Stadium eBeitbridge kuthi eleMDC-T lenze umhlangano walo eHarare.

Ibandla elibusayo belise Sakubva Stadium eMutare. Ukhokheli webandla leCCC, uMnu. Nelson Chamisa, ukhulume ngokuthuthukisa indawo zonke eZimbabwe. Uthakazelelwe ngabasekela ibandla leli esethula umbiko wakhe oqakathekileyo.

“Nxa sisithi umunwe phezulu sithi ilizwe leli ngelika Nkulunkulu, sibambene njalo kumele sithuthukisa ilizwe lethu.”

Lokhu kugcizelelwe ngumsekeli wesikhulumeli sebandla leli, uMnu. Ostallos Siziba.

Kunengi okuthenjiswe uzulu eHarare obekulomhlangano webandla leMDC-T elikhokhelwa nguMnu. Douglas Mwonzora. Amalunga ebandla leli abehlabela esithi bazahlangana lebandla lika Chamisa lamanye ngosuku lokuvota.

UMnu. Witness Dube, obona ngokwethulwa kwemibiko kubandla leMDC-T, uthi baqhuba kahle imikhankaso yokhetho lwama by-elections oluzakwenziwa mhlaka 26 Mbimbitho.

Ingcwethi kwezombusazwe, uMnu. Bernard Bhekilizwe Ndlovu, uthi kunengi okumele kwenziwe ngamabandla eZimbabwe ukwenzela ukuthi kuqhutshwe ukhetho ngendlela eqondileyo.

Ibandla leZanu PF lalo liqhuba imikhankaso yalo emaphandleni lemadolobheni. Bathi akumelanga uzulu avotele amabandla aphikisayo ngoba adlelana lamazwe entshonalanga afakela inkokheli yebandla leZanu PF izijeziso zenotho.

XS
SM
MD
LG