amalinks wokungena

Breaking News

Uqhubekela Phambili Umkhankaso weOperation Dudula eSouth Africa


Operation Dudula kwele South Africa
Operation Dudula kwele South Africa

Uqhubekela phambili umkhankaso weOperation Dudula wokuxotsha emisebenzini lezindlini abadabuka kwamanye amazwe abasebenza kwele South Africa.

Abadabuka eZimbabwe ababhekane lomkhankaso lo izolo eBenoni bathi kuyabakhahlameza kakhulu ukubona abanye babo bexotshwa emisebenzini. UMnu. Nhlanhla Moses Ncube uthi kwephula inhliziyo okwenziwa ngabaqhuba umkhankaso weOperation Dudula.

UNkosazana Victress Mathuthu, okhokhela inhlanganiso yeZim Imbokodo, laye uthi kuyabethusa okwenziwa ngabaqhuba umkhankaso weOperation Dudula.

Owakhethwa ngumdeni wako Khumalo ukuba yiNkosi yesizwe sika Mthwakazi, uBulelani Lobhengula Khumalo, uthi kuyamkhathaza okwenzakala kwele South Africa. Isikhulumeli sakhe, uMnu. Bornman Khumalo, uthi sebethwele nzima abadabuka eZimbabwe abahlala kwele South Africa.

Kasenelisanga ukukhuluma ngodaba lolu labaqhuba umkhankaso weOperation Dudula abathi kumele bephume bephele kwele South Africa abokuza abangela maphepha aqondileyo okuhlala kwele kulelolizwe.

XS
SM
MD
LG