amalinks wokungena

Breaking News

UNkosazana Thokozile Dube Owebandla leCCC Oncintisa kuWard 20 eMzingwane Kukhetho lwamaBy-Elections Uchasisa Ngokuhlaselwa Kwakhe


UNkosazana Thokozile Dube

Amapholisa abikwa esadingisisa ngodaba lapho ilunga lebandla leCitizens Coalition for Change uNkosazana Thokozile Dube oncintisa kukhetho lwama by-elections ku ward 20 eMzingwane athi uhlukuluzwe ngabantu abacatshangelwa ukuthi ngabebandla leZANU PF ababhidlize impahla emzini wakhe kuthange.

Indawo le isemapulazini kuma re-settlements njalo abamhlaseleyo babikwa bengomakhelwane bakhe abamsola ngokuba lilunga le CCC.

UNkosazana Dube usichasisela okumehleleyo.

please wait

No media source currently available

0:00 0:04:40 0:00

Kusenjalo, isikhulumeli sebandla leCCC eMatabeleland South uMnu. Ntando Ndlela uthi bakhathazekile ngokwenzakeleyo njalo baphuthume baphathisa uNkosazana Dube.

please wait

No media source currently available

0:00 0:03:12 0:00

Kusenjalo, isikhulumeli seCCC uNkosazana Fadzai Mahere ukhuthaza abantu ukuthi beqhubeke ngokugqoka izembatho ezilombala olithanga ngoLwesihlanu ngendlela yokutshengisela besola ukubotshwa komsekeli walelibandla izolo eHarare uMnu. Godfrey Karembera owazakala ngokuthi nguMadzibaba weShanduko.

Amagqwetha eZimbabwe Lawyers for Human Rights athi uMnu. Shanduko utshaywe walimala kakubi njalo uyelatshwa esibhedlela.

Wetheswa icala lokuletha ukungahlaliseki emphakathini ele’disorderly conduct.”

UMadzibaba weShanduko wazakala ngokugqoka isembatho eside njengamaPostoli kodwa esilombala olithanga oluphawu lweCCC njalo kuvame ukuthi abonakale egida ethwele umqwayi

Facebook Forum

XS
SM
MD
LG