amalinks wokungena

Breaking News

Owesifazana Owaqunywa Unyawo Lengalo yiGukurahundi Udinga Usizo Lokubazelwa Lezizitho


The artificial leg of a member is seen at the center for the Sudanese Association for Disabled People in El Fasher November 17, 2011. The International Day of Persons with Disabilities is observed on December 3. Picture taken November 17, 2011. REUTERS/UN

WASHINGTON DC – Kulowesifazana weTsholotsho owaqunywa ingalo lonyawo ngesikhathi seGukurahundi odinga uncedo lokuthi abazelwe izitho lezi ngoba ephila nzima.

UNkosikazi Joyce Ngwenya walinyazwa ngamabutho eFifth Brigade ngomnyaka ka1983 eleminyaka yokuzalwa elitshumi lasitshiyangalombili, 18.

Ngokuncediswa yinhlanganiso yeIbhetshu Likazulu lomphakathi, uMaNgwenya ubonane labodokotela abazabaza ingalo yakhe lonyawo koBulawayo izolo.

Kodwa imali ayeneli. Ngokunjalo, sokusungulwe ikhasi leGoFundMe lapho abalesifiso abangaphosela khona imali ukuze asizakale.

Lelikhasi litholakala khona enkundleni yeGoFundMe phansi kwesihloko esithi ‘Gukurahundi Survivors Support Fund.

Isiphathamandla seIbhetshu Likazulu uMnu Mbuso Fuzwayo utshele iStudio 7 ukuthi banengi abantu abalinyazwa yiGukurahundi njengoMaNgwenya abadinga usizo.

please wait

No media source currently available

0:00 0:03:19 0:00

Facebook Forum

XS
SM
MD
LG