Ibandla leMDC-T lithi selixotshise amakhansila alitshumi lasithupha ngoba esekela ibandla le Citizens Coalition for Change. Umkhokheli webandla leMDC-T, uMnu. Douglas Mwonzora utshele intathelizindaba namuhla eHarare ukuthi ibandla lakhe lilakho ukuxotshisa amanye amalunga edale lephalamende.
Kodwa uMwonzora uthi amakhansila asexotshiwe awaxotshwanga izolo kodwa inyathelo lokuthi basuke lathathwa nyakenye kodwa laziswa nge Sonto kuyonale iviki.
Unobhala jikelele webandla leMDC-T, uNkosikazi Paurina Mpariwa ulobele uhulumende esithi amalunga la avela kuzigaba eziyisitshiyagalombili.
Uluhlu lwabaxotshiweyo alugoqeli iHarare le Bulawayo, lakho okuthiwa silakho ukungena isigumula seMDC-T.
Sixoxe lesiphathamandla sebandla leMDC-T, uMnu. Peter Moyo saqala ngokumbuza ukuthi ulubone njani ukhetho lwama by elections olwenziwe ngempelaSonto?
Lokhu sikudaba lunye, umsekeli wesikhulumeli sebandla leCitizens Coalition for Change, uMnu. Felix Magalela Mafa Sibanda uthi njengebandla bayemukela impumela yokhetho ngenjabulo ngoba lanxa abantu behlukuluziwe libandla le Zanu PF baqinisele bavotela ibandla lakhe.
