amalinks wokungena

Breaking News

Abahlatshwe Amajekiseni eCovid-19 Amabili Sebevunyelwa Ukungena eZimbabwe Bengahlolwanga Lumkhuhlane


Zimbabwe National Covid-19 Vaccination Blitz

WASHINGTON DC – Uhulumende uthi akusela sidingo sokuthi abantu abaza eZimbabwe baqale bahlolwe iCovid-19 nxa bahlatshwa amajekiseni okwenqabela lumkhuhlane womabili.

Kodwa uthi kumele baveze ubufakazi bokuthi bahlatshwa lawamajekiseni. Lokhu kwaziswe yisikhulumeli sikahulumende uNkosikazi Monica Mutsvangwa izolo.

UMutsvangwa utshele intethelizindaba ngemva komhlangano wedale le-cabinet ukuthi izizalwane zeZimbabwe lezethekeli ezilokhe zingakahlatshwa kumbe esezihlatshwe ijekiseni eyodwa yizo kuphela esezibanjwa ngamandla ukuthi ziveze amaphepha atshengisa ukuthi azilawo lumkhuhlane nxa zingena elizweni.

Kumele abantu laba bahlolwe phakathi kwensuku ezimbili usuku lohambo lwabo lungakafiki.

Kusenjalo, ugatsha lwezempilakahle luthi kubhubhe oyedwa ngeCovid-19 eZimbabwe izolo njalo kwatholakala abedlula ikhulu, 115 belomkhuhlane lo.

Asebehlatshwe ijekiseni yakuqala sebephezu kwezigidi ezinhlanu, 5, 049,222 kuthi asebehlatshwe eyesibili bedlula izigidi ezintathu, 3, 507, 194.

Facebook Forum

XS
SM
MD
LG