Isikhulumeli sedale lephalamende uMnu. Jacob Mudenda uthe amalunga ebandla leCitizens Coalition for Change kufanele engagqoki izembatho ezilithanga kulelidale njengalokho akwenze izolo efungiswa izolo ngoba kungumbala webandla labo.
Kodwa uMnu. Tendai Biti, omunye wabasekeli bakamongameli walelibandla, njalo oligqwetha, utshele intathelizindaba izolo ukuthi isinqumo lesi asikho emthethweni ngoba akusicala ukugqoka ithayi kumbe iyembe elithanga ebonisa ukuhlonipha. Uthe okungafanelanga yikuthi umuntu agqoke ikawuso kumbe ilembu elinjengalawo awazakala ngokuthi yiZambia.
Amalunga edale lephalamende asanda ukunqoba kukhetho lwama by-elections olusanda ukwedlula afungiswe izolo njalo amakhansila asethethe inyathelo elifanayo kwamanye amadolobho.
Ilunga leCCC uNkosikazi Sichelesile Mahlangu, obesedale lephalamende izolo uchasisela uSithandekile Mhlanga weStudio 7 ngomhlangano abawuqhube lebandla lakhe phambilini kokufungiswa.
Facebook Forum