Ukungelani lokuvinjwa ukuthi baye edale lephalamende begqoke impahla ezingumbala olithanga, amalunga ebandla le Citizens Coalition for Change angene ngenkani edale izolo.
NgoLwesibili usomlomo wedale, uMnu. Jacob mudenda utshele amalunga la emkhosini wokugcotshwa kwawo ukuthi engazabuya edale egqoke impahla ezilombala olithanga ngoba ziluphawu lwebandla.
UNkosazana Stars Mathathe Thebe owebandla le Zanu PF ubegqoke iscava esilombala weflag yelizwe esesisazakala njengophawu lweZanu PF, laye ukhuziwe ngumudenda.
Izolo amalunga abegqoke amasudu aphelela kodwa afaka amathayi alithanga omama belokunye okuncinyane okulithanga kwathiwa bengangeni edale leli. Kodwa amalunga la angene ngenkani.
Sixoxe lelunga ledale engowebandla le CCC, uMnu. Prince Dubeko Sibanda.
