amalinks wokungena

Breaking News

Uhulumende Ulandula Imbiko Yokuthi Ucitshe Amagetsi eHarare Airport Ngoba Befuna Ukuthumba Intathelizindaba, uHopewell Chin'ono 


Intathelizindaba, uHopewell Chin'ono. (Columbus Mavhunga/VOA)

Inkundla yendizamtshina eye Robert Gabriel International Airport ike yacithsa amandla kagetsi okwenze abanye bacabangele ukuthi amapholisa afuna ukubopha intathelizindaba, uHopewell Chino’no obevela kwele Switzerland.

Umphathintambo wezokuthwala uMnu. Felix Mhona utshele iStudio Seven ukuthi amagetsi eAirport acitshwe ngumbane kodwa okwemizuzo emilutshwana nje kuphela.

UChingono ubehambe emhlanganweni obuhlaziya indaba eziphathelande lelungelo loluntu lapho aveze khona amaphutha kahulumende abalisa ukwehluleka ukulwisana lenkohlakalo ukusilela kwemithi yokwelapha imvukuzane kunye lendubo ezibhekane labomama abakhulelweyo lokunye.

UChin’ono uzithole esetheze olulenkume ngoba amaphephandaba lemisakazo kahulumende abethula indaba ezimcothozayo ethiwa weyisa ilwezi lakhe.

IPhephandaba le Herald lilobe ukuba okwenziwe nguChin’ono kumele kwenze ukuba umthetho ozajezisa abakhuluma kubi ngelizwe labo, owe Patriot Bill, upasisiswe ngesiphangiphangi.

UChin’no ubefika eHarare izolo ntambama kuze kucitshwe amandla kagetsi. Kodwa ulobe enkundleni yokuxhumana, eye Twitter ebika ukuba akula okubi okumehleleyo.

UChin’ono uthi akukhulumileyo kuliqiniso ngoba enxuse abalobufakazi bokuthi elizweni kulemitshina yokwelapha imvukuzane esebenzayo ukuthi baveze imfanekiso yakhona kodwa akula ngitsho loyedwa oseke waphuma lobufakazi.

Facebook Forum

XS
SM
MD
LG