amalinks wokungena

Breaking News

Ingozi Yomgwaqo Ibulalisa Abangamatshumi Amathathu Lambili-32, eChipinge


ZRP Assistant Commissioner Paul Nyathi

Isikhulumeli samapholisa uAssistant Commissioner Paul Nyathi uthi lingozi yenzakale ekuphumeni emgaqweni okwenze ibhasi ebi thwele abakhonza eZCC besiya emhlanganweni wokunanza ikhefu lePhasika, ngakhoke ucela abatshayeli bahambe ngonanzelelo.

Inani labantu asebefele engozini yebhasi ebithwele amakholwa enkonzo eye Zion Christian Church (ZCC),eyanzakale izolo ntambama, emangweni oweJopa, eChipinge, esigabeni seManicaland, seliqanse laya kwabangamatshumi amathathu lambili-32.

Isikhulumeli samapholisa uAssistant Commissioner Paul Nyathi uthi lingozi yenzakale abakhonza eZCC besiya emhlanganweni wokunanza ikhefu lePhasika, lapho ibhasi ekade ibathwele isuke yaphuma emgwaqweni yayatshayeka edongeni kwahle kwafa abangamatshumi amabili lathoba munwemunye-29, kwalimala kakubi abangamatshumi amane, abathathu bafela emothweni ebibasa esibhedlela seChipinge District Hospital.

U-Assistant Commissioner Nyathi uthi ukudingisisa kwamapholisa kuveza ukubana ibhasi yesikolweni ese Charles Lwanga Secondary School kade ithwele abantu okwedlulisa amalawulo.

Ugcine uNyathi ekhuthaza abatshayeli ukuba batshayele ngonanzelelo emigwaqweni ukuze kwehliswe inani labangaphelelwa ngumpefumulo emigwaqweni yelizwe ngaleli khefu lePhasika elidibene ngayonale impelasonto, lelikazibuse, eleIndependence Day.

Facebook Forum

XS
SM
MD
LG