amalinks wokungena

Breaking News

Inhlanganiso yeHand in Hand Zimbabwe Iphathisa Abesifazana Labasakhulayo Emaphandleni


 Inhlanganiso yeHand in Hand Zimbabwe iphathisa abesifazana labatsha emaphandleni
Inhlanganiso yeHand in Hand Zimbabwe iphathisa abesifazana labatsha emaphandleni

Izakhamizi zeGwanda zitshayele ihlombe inhlanganiso ezimeleyo eyeHand in Hand kulandela ukugqiba kwayo inhlelo zokuthuthukisa osomabhizimusi abasacathulayo kulesisiqinti. Izakhamizi ezixoxe lomsakazo weStudio 7 zithi seziziphilisa ngalezinhlenhlo njalo sezisenelisa lokuthola imali yokufundisa abantwana.

Osomabhizimusi abasacathulayo abemaphandeni abaxoxe lomsakazo weStudio 7 bathi kunengi abakufundiswe yinhlanganiso yeHand in Hand kwezamabhizimusi kungakho sebesenelisa ukuziphilisa kanye lemndeni yabo.

I-Hand in Hand yinhlanganiso ezimeleyo encedisa kakhulu abesifazana labasakhulayo emaphandleni ukuze besungule amabhizimusi

UNkosikazi Gugulethu Ndimande olilunga lenhlanganiso eyeGreen Pastures, Livestock and Broiler Association kuWard 6 eNqameni eGwanda North uthi ibhizimusi yabo iya ikhula kusukela lapho bebambana leHand in Hand.

UNkosikazi Philipa Ndlovu unobhala wenhlanganiso yeArise and Shine kuWard 16 eMapate eGwanda South laye uthi imfundiso abayithole kuhlelo lweHand in Hand isithuthukise impilo zabo njengabesifazana bemaphandleni.

UKhansila weMkhalipe kuWard 20 eGwanda South uMnu. Jorum Ndlovu uthi inengi lezakhamizi lithole ulwazi olujulileyo kunhlelo zeHand in Hand.

UNkosazana Unami Dube ongumqondisi wezokuthuthukiswa kwamabhizimusi asacathulayo eHand in Hand, uthi bayajabula njengenhlanganiso ngomsebenzi abawutshiye bewufezile esabelweni seZansi yemaNdebeleni.

Kusenjalo amapholisa aseveze ukukhathazeka ngokuqonga kwenani labantu ababulalana kungela sizatho kulandela ukubulawa kukaMnu. Praisemore Moyo oweFumukwe ngoLwesithathu ngemva kokutshaywa kwakhe ngumphakathi etshwaleni eManama wayabhubhela eGwanda.

Isikhulumeli samapholisa eZansi yemaNdebeleni uNkosikazi Loveness Mangena ukhuthaza uzulu ukuthi engasebenzisi udlame ukuxazulula inkinga ngoba inengi labantu lifela amafufu.

Ukubulawa kukaMnu. Moyo kulandela ukubulawa kukaMnu. Justice Ncube oweMashaba kumaviki amabili edluleyo esetheswa icala lokuntshontsha obabhemi.

please wait
Embed

No media source currently available

0:00 0:04:13 0:00

XS
SM
MD
LG