amalinks wokungena

Breaking News

Umkhankaso Wokuncitsha Abesilisa Ucansi Ngendlela Yokubakhuthaza Ukuthi Bebhalisele Ukuvota Ubikwa Uphumelela


UNkosikazi Cora Ndebele

Umqondisi womkhankaso okhokhelwa ngabesifazana okhuthaza abantu ukuthi bebhalisele ukuvota owe 'Be a Registered Voter Campaign," uNkosikazi Cora Ndebele uthi uhlelo lolu luqhubeka kuhle ngoba abanye abesifazana bayabatshayela ucingo bebazisa ukuthi wonke umuntu olelungelo lokuvota emzini wabo usebhalisile.

UNkosikazi Ndebele uthi uma konke kusehlula, owesifazana engenqaba ukuphakela abantwana asebekhululile ukudla, ancitshe umyeni wakhe ingubo, njalo azise amaloja ukuthi engawaxotsha nxa engabhaliselanga ukuvota.

Ekhuluma leStudio 7 kusungulwa loluhlelo uNkosikazi Ndebele wathi "...uyamtshela ukuthi baba angisoze ngiye ecansini lawe ngoba awuso responsible citizen ufaka mndeni engozini ...lokhu kuzamzwisa ubuhlungu ngoba siyakwazi ukuthi obaba bayaluthanda ucansi njalo akulababa ongaphila engelacansi...'

please wait

No media source currently available

0:00 0:01:18 0:00

Kodwa uthi uhlelo lolu alugxilanga kwezocansi kuphela ngoba i-"Be a Registered Voter Campaign" iyakhulumisana leZimbabwe Electoral Commission ngengxaki ezikhona kanye lezakhamizi ngezizathu zokungabhalisi, njalo isiqhelise loluhlelo lwayafinyelela emaphandleni.

UNkosikazi Ndebele ugcizelele wathi abantu kufanele bebhalise ukwenzela ukuthi izigaba zeMatabeleland zingancitshiswa ngohlelo lwe delimitation ngoba kulotshwe amabizo abantu abalutshwana kugwalo lwabalelungelo lokuvota olwe voter's roll.

Wengeze wathi inengi koBulawayo leMatabeleland lithi selikhathele ngokuvota kungelanguquko kodwa lokhu akusoze kuphathise.

"...they feel sidelined so yikho abantu abanengi bebengathathi uhlelo lolu ngendlela e right manje yikho sibakhuthaza ukuthi bengene kuli program. Singayekela, singayekethisa, still siyabe lokhe sikhala, kungangcono sikhale silokhe sizama, ilungelo lethu lokuthi si rejeste silenze..besesikhala ngokuthi uhulumende kasiboni okwethu sesikwenzile. Nxa sokubuya ama ....funds lathi siwathole njengezinye izigaba ezinjenge Masvingo, Harare kufanane singakhali ngokuthi sibalutshwa abaku voter's roll ngoba kuyasi affecter...." kugqiba uNkosikazi Ndebele.

please wait

No media source currently available

0:00 0:05:59 0:00

Facebook Forum

XS
SM
MD
LG