Iqembu lenguqu ele Highlanders yilo eliphakamise inkezo eye Independence Trophy ngemva kokunqoba ele Dynamos nge 1 ka nya emdlalweni obusenkundleni eye Barbourfields koBulawayo, NgoMvulo.
Umgadli uStanley Ngala nguye olitshayele emambuleni ngehlandla lesibili emdlalweni wokugqiba umkhosi wokuthakazalela iminyaka engamatshumi amane lambili-42, eleZimbabwe lathola uzibuse.
Iqembu ele Dynamos liqede selisilela ngomdlali oyedwa ngemva kokuba uShadrack Nyahwa etshengiswe ikhasi elombala obomvu, iRed Card ngunompembe uArnold Ncube ngemva kokuba ekhabe imvimbi ye Highlanders uMbongeni Ndlovu ekhanda.
Abasekeli beBosso baphume enkundleni sebethabe okwamagama ngemva kokunqoba kweqembu labo.