amalinks wokungena

Breaking News

"Ucine Nini Ukuthi Ngiyakuthanda Komunye Wakho?" Omunye wemibuzo yabe Census Odide Ingqondo Zabanye


Ugatsha lweZimstat lisenza umkhankaso wokufundisa uzulu ngokubalwa.

Uzulu utshengisa ukukhathazeka ngeminye yemibuzo ebibuzwa ngakade beqhuba umsebenzi wokubala abantu kuhlelo lwe Zimbabwe 2022 Census olukhokhelwa ngabohlangothi lwamanani olwe Zimbabwe National Statistics Agency - ZIMSTAT, olugqitshwe namuhla.

Inengi labantu litshengise ukuphatheka kubi ngeminye yemibuzo ebibuzwa uzulu ngesikhathi ebalwa besithi basele bengabadidekileyo njengoba bengabonanga ubudlelwano obebukhona phakathi kwemibuzo lohlelo lokubabala.

Omunye walabo abathi bamangaliswe ngeminye yemibuzo abekade beyibuzwa kungunkosikazi Nesisa Mdlongwa wakoBulawayo.

“ Ye, mina njengomama, isakhamuzi sibili, hayi akungiphathanga ngendlela kade bebuza ngakhona, hayi, bebesibuza sibili, imibizo yakhona eminenginengi. Ngokusa kuyi-Thursday, kuvuka kuyiFriday, ukulele abantu abangaki endlini, ovuke ehamba, ongahlali khona lapho, oke walala ngubani njalo umkakho usebenza ngaphi, lihlala libangaki, udla kangaki ngelanga. Ngibatshele ukuthi hayi mina vele kasisebenzi, sihlezi nje, ngingumuntu ozihlaleleyo ongala plan ukuthi ngingathi ngithini. He, umsebenzi uyawufuna ngithi ye, umsebenzi ngiyawufuna. ”

Eminye yemibuzo yakhona unkosikazi Mdlongwa uthi ibengethelela amahloni emuntwini omdala njengaye.

“ Ye, ligeza kangaki izandla ngelanga, ligezela ngaphi izandla, libasumlilo, lipheka ngesitofu, kule-radio endlini lile-TV endlini, lile-phone, uyabona. Imibuzo yonke leyo nje kade besibuza yona so singazi ukuthi mibuzo le kade besibuza yona ngeyani injani, but ahh, bekunzima ukuthi siyiphendule shame, njengeyokuthi kuthiwe endlini lilele libangaki kuvuka kusisa, uyabona into zankhona, heyi, bezizinzima kakhulu, imibuzo yabo ibinzima so asazi ukuthi singancediseka yini ngemibuzo yabo yonaleyo kade besibuza yona?. ”

Okugcizelelwe njalo ngunkosikazi Zandile Ngulube wasedolobheni leHarare.

“ Eminye imibuzo kade ibuzwa kuCensus, ayisiyo imibuzo kade siyikhangelele njengokwazi kwethu ukuthi iCensus ngeyokuthi sibalwe kukhanye ukuthi i-population injani, imi njani i-population yelizwe. So, eminye imibuzo, njengami mina ngike ngabuzwa ngokuthi ngisebenzisa i-toilet yiphi, i-septic, blair kumbe i-flush, yinto ekade ngizibuzwa. Lokuthi nxa siphuma e-toilet, siyageza izandla, ngaphi?. Yiyo imibuzo engiyibuziweyo, lami ngiphendula. Lile-sink yini, ngiphendule lami. So, eminye imibuzo kade ngingayicabangeli vele ukuthi ingabuzwa. ”

Eminye yemibuzo yakhona unkosikazi Ngulube uthi akayizwisisanga ukuthi vele ibijongeni.

“ Lokuthi, ngitshilo mina ukuthi ayi, umkami kasebenzi but at the end of the day ngiyabuzwa ukuthi uprofitha how much, i-profit ebuyayo endlini nje, imali engenayo endlini kodwa ngitshilo ukuthi kasisebenzi. So, angazi ukuthi kungenelana njani. Imibuzo yabo ibingani yimibuzo eyokuthi sizoncedakala, sizosizakala, bafuna ukusisiza ngendlela akade bebuza ngayo. So angazi ukuthi, yikho yini ekade kumele kubuzwe kumbe njalo silahlekile. ”

Okugcizelelwe ngesinye njalo isakhamuzi edolobheni lakoBulawayo uMnu. Humphrey Siziba othi yena ubengayizwisisi eminye imibuzo yakhona ukuthi ibibuzelwani.

“Kulalapho engibuzwe khona ukuthi indlu yakhiwa ngezitina ezingaki, sihlala sibangaki, ngasengibuzwa ukuthi litshadile yini, omunye wami wacina nini ukuthi I love you, kimi kumbe ngacina nini ukuthi I love you ngisitsho komunye wami. So, eminye imibuzo bengingasayizwisisi but angazi bona bakwazi ngcono kulathi angithi, kundaba ze-statistics so angazi but bengithola angani eminye imibuzo yakhona bengingayizwisisi.”

Umqondisi enhlanganisweni ye ZIMSTATS ( Director General ) umnumzana Taguma Mahonde uthi umsebenzi wezokubalwa kwabantu kuleli ubusenziwa kulandelwa iziqondiso okwavunyelanwa kizo ukuba zilandelwe. Wengeza uTaguma esithi kule khomidhi eyabunjwayo yamalunga avelelela kungatsha ezehlukeneyo zikahulumende ukubonisana phezu kokwakumele kubuzwe uzulu.

“ Imibuzo ephathelane lezezindlu abantu abahla kizo, ihlezi ikhona sonke isikhathi lapho kuqhutshwa uhlelo lokubala abantu. Kodwa lonyaka abe United Nations baqonqosele edabeni lwezezindlu abantu abahlala kiso njalo liyazi ukuthi eziphathelane lezezindlu abantu abahlala kizo, ziyizo ezikhomba ukuba umphakathi uhlezi njani. Yiso isisusa saloludaba lombuzo wezindlu uzulu ahlala kizo. ”

Loluhlelo lusungulwe mhla ka 21 Mabasa lwagqitshwa namuhla njalo impumela ikhangelelwe ukuphuma kunyenga ezintathu ezilandelayo.

Kodwa inhlanganiso ezilonda amanani abantu emhlabeni jikelele zithi abantu be Zimbabwe bakhangelelwe ukuthi sebeyizigidi ezilitshumi lanhlanu, 15.2 million.

please wait

No media source currently available

0:00 0:05:24 0:00

Facebook Forum

XS
SM
MD
LG