Umahlekisa weSouth Africa uTrevor Noah Ubulalise Abanengi Ngembambo Ngokuphoxa uMongameli weMelika Labanye

WASHINGTON DC - Umahlekisa olodumo odabuka kweleSouth Africa osebenza eMelika uTrevor Noah utshiye abantu abanengi bebulawa zimbambo ngoMgqibelo emcimbini weWhite House Correspondents’ Dinner.

Lo ngumcimbi wentathelizindaba zeMelika eziloba ngezombusazwe zisebenzela esigodlweni sikaMongameli oqhutshwa mnyaka ngomnyaka.

UTrevor Noah uhlekise abantu ngokuphoxa zona intatheli ngokwazo kanye labezombusazwe abagoqela uMongameli Joe Biden, yena selokhe engene engene embusweni sokukhwele yonke into.

UTrevor uba yisizalwane saseAfrica sakuqala ukulawula umcimbi weWhite House Correspondents’ Dinner embalini yeMelika.

UBiden laye ubekhona kulumkhosi ezihlekela labanye kungelani lokuphoxwa kwakhe, okuyinto evame ukwenziwa nje ngabanye abaholi beMelika lapho okwenziwa khona lelidili.

UTrevor Noah ulawula uhlelo lweThe Daily Show oluphuma emsakazweni kamabonakude oweComedy Central phakathi kweviki.

Omunye wababukele umcimbi wangoMgqibelo uMnu Tim Muringai utshele iStudio 7 ukuthi njengomuntu odabuka eAfrica, laye uyaziqhenya ngemisebenzi kaTrevor.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:06 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala