amalinks wokungena

Breaking News

Ziyavulwa Izikolo Kusasa Abazali Bekhala Ngokukhwela kwamaSchools Fees Kanye Lokudula kwamaUniform


Des enfants zimbabwéens sont assis dans une salle de classe dans une école de Norton, à 55 km à l’ouest de Harare, le 28 janvier 2009

WASHINGTON DC - Izikolo zeZimbabwe ziyavulwa ngoLwesibili abazali bekhala ngokukhuphuka kwama-school fees lentengo yendingeko ezifana lengwalo kanye lama-uniform.

Umzekeliso: isikolo seFalcon College sikhweze i-fees isuka kuZW$600,000 yaya kuZW$1.3 million, kubike iphephandaba leNewsDay.

Eyesikolo seSt George’s College yona ikhwele yaya kuZW$2 million.

Ukukhuphuka kwama-school fees lokhu kuza ngesikhathi abezitolo labo bekhweza intengo bekhonona ngokuthi idola leZimbabwe liqhubeka lilahlekelwa luhlonzi.

Isiphathamandla senhlanganiso elwela amalungelo abathengi, iNational Consumer Rights Association, uMnu Effie Dlela Ncube utshele iStudio 7 ukuthi abantwana abanengi bazakwehluleka ukubuyela isikolo ngenxa yokudula kwama-fees.

please wait

No media source currently available

0:00 0:03:59 0:00

Sehlulekile ukuxhumana lesikhulumeli sogatsha lwezemfundo uMnu Taungana Ndoro.

Ugatsha lweUNICEF lwazise ngeviki edluleyo ukuthi abantwana abangena kusilinganiso sokungamatshumi phose amahlanu, 47 percent eZimbabwe abasayi esikolo ngenxa yobuyanga.

Kusenjalo, izisebenzi zinanze usuku lweWorkers’ Day ngeSonto zikhala ngeholo eliphansi njalo zisithi kumele ziholiswe ngedola leMelika.

Ngaphandle kwalokho, unobhala jikelele weZCTU uMnu Japhet Moyo uthe izisebenzi ezinengi azisoze zenelise ukubhadalela abantwana imali yesikolo.

please wait

No media source currently available

0:00 0:03:53 0:00

UMongameli Emmerson Mnangagwa yena wethule umbiko ngempelasonto ethembisa izisebenzi ukuthi uhulumende wakhe uzimisele ukuthuthukisa inhlalakahle yazo.

Facebook Forum

XS
SM
MD
LG