amalinks wokungena

Breaking News

Umbukiso weTrade Fair Ulethele Amabhzimusi akoBulawayo, Labaphila Ngokuzisebenza, Inzuzo


Embukisweni oweZimbabwe International Trade Fair 2022
Embukisweni oweZimbabwe International Trade Fair 2022

Abamabhizimusi atshiyeneyo ko Bulawayo bathi ibhizimusi belithe xaxa kumaviki amabili adluleyo ngenxa yomkhosi wokunanza ilanga likazibuse lombukiso we Zimbabwe International Trade Fair.

Idolobho lako Bulawayo libe labantu abanengi abavela kundawana zelizwe lonke kusukela ngeviki kamhlaka 15 wenyanga edluleyo lapho abantu kade bezobuthana emcimbini wokunananza ilanga likazibuse.

Abanye babantu laba babikwa behle bazihlalela kulelidolobho belinde umbukiso we ZITF oqale mhla ziku 26 waze waphela mhlaka 30 kunyanga edluleyo.

Usomabhizimusi wako Bulawayo njalo engukhansila, uMnu. Edwini Ndlovu uthi lanxa kube lobubelo inzuzo etholakale emahoteleni yimali ezaphinda isiwe eHarare ngoba amahotela amanengi lezigodlo ezikhonale.

Isiphathamandla senhlanganiso yabaphila ngokuthengisa ezitaladeni, eye Bulawayo Traders and Vendors Association, uNkosazana Debra Mukasa uthi bekungcono sibili ngensuku ze Trade Fair.

Isiphathamandla senhlanganiso yezakhamizi, eye Bulawayo Progressive Residents’ Association, uMnu. Ambrose Sibindi uthi bekuyisikhathi esihle.

Abantu abanengi kade bekoBulawayo ngabakhonapha eZimbabwe labalutshwana abakwamanye amazwe.

Ingcwethi ezicubungula ezomnotho welizwe zithi lokhu kutshengisa ukuthi ilizwe lilakho ukuzisusa ebunzimeni elikulo ngokuthuthukisa amabhizimusi ezizalwane kulokuhlala ekhangela phandle kwelizwe.

XS
SM
MD
LG