amalinks wokungena

Breaking News

Inhloko Zendaba Nkwenkwezi 10, 2022


Inhloko ZeNdaba

Endabeni zethu lamhlanje ……………..

*** Uzulu ukhuthaza abenhlangothi ezitshiyeneyo abaphatheke kumisebenzi yezokuthwala uzulu ukuba badinge indlela zokuqeda udubo lwezokuhambisa uzulu alokhe ebhekane lalo selokhu kwamiswa imitshova ekuqhamukeni kobhubhane lwe COVID -19 ngomnyaka ka 2020 lapho uhulumende abeka umthetho wokuthi bonke abafuna ukuqhuba lowo msebenzi kumele benze njalo phansi kwenkampani kahulumende eye ZUPCO.

*** Ezinye inhlanganiso ezisebenzisana lozulu zithi zikhathezekile kakhulu ngemali eseziyibhadaliswa nguhululemende ngomnyaka ukuba zenelise ukusebenza elizweni.

*** Abahlaziya ezomnotho bathi amanyathelo ethulwe nguhulumende awokulungisisa isimo somnotho welizwe azakwenza isimo sonakale ngamandla ngoba amabhanga esevinjwe ukunikeza izikwelede. Bathi lokhu kulakho ukubulala amabhizimusi amanengi ngoba evele esehluleka ukuthola idola leMelika emkambo owafakwa nguhulumende. Bathi amanyathelo ajezisa uzulu.

*** Kulivetalk kuhlelo ‘The Connection’ uMike Hove weStudio 7 uxoxa labatsha ngenhlupho ababhekane lazo okubenze bacina beqoqa iShutdown ngoMvulo okuluhlelo olukhokhelwe ngabenhlanganiso yezifundi eyeZINASU.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG