amalinks wokungena

Breaking News

Abahlengi Balokhe Bezama Ukukhipha Izidumbu Zabembi Abawele Emgodini Wegolide eColleen Bawn


This is Bucks Mine, near Gwanda town, where rescue workers are continuing with efforts to recover bodies of seven miners after an accident.

WASHINGTON DC - Abahlengi ngoMvulo baqhubeke ngemizamo yokukhipha izidumbu zabembi begolide abayisikhombisa abawele emgodini weBucks Mine, eCollen Bawn, duzane ledolobho leGwanda ngoMgqibelo.

Umgodi lo utshona ama-meter angamakhulu amabili, 200 meters, njalo abahlengi laba bathi ababoni ukuthi ukhona ongaba esinde kulingozi.

Bathi babone igazi elesabekayo phakathi lezinyama ezahluzuka ngesikhathi abembi laba bewela kulumgodi.

Lingozi yenzakale bezama ukuphuma kulumgodini, lapho okwaqamuka khona intambo yengolovana ababephakathi kwayo.

Iziphathamandla zogatsha lukahulumende olubona ngezenjiwayo labo batshele iphephandaba leHerald ukuthi ababoni ukuthi ukhona uzatholakala esaphila.

Izihlobo labangane babembi laba batshone bebuthene eBucks Mine besosizini olukhulu bebukele abahlengi bekhipha amanzi kulumgodi, kubika intathelizindaba yeStudio 7 uAlbert Ncube.

please wait

No media source currently available

0:00 0:02:43 0:00

Ukuhlaziya loludaba sixoxe lesiphathamandla senhlanganiso yabembi, iNational Mine Workers Union, uMnu Cotten Ndlovu , yena othi sebeke bazama ukukhulumisana lohulumende ngodaba lokulondoloza impilo zabembi kodwa akulalutho olwaphumayo.

please wait

No media source currently available

0:00 0:02:06 0:00

Facebook Forum

XS
SM
MD
LG