amalinks wokungena

Breaking News

Impuphu Letshukela Ngokunye Uzulu Asevunyelwa Ukukuthenga Phandle Kwelizwe Kungelamthelo


Some of the goods being sold in shops in Zimbabwe. (Photo: Bathabile Masuku)

WASHINGTON DC - Uhulumende usethule uluhlu lwezinto ezimqoka athi abantu sebevunyelwa ukuzithenga kwamanye amazwe bengabhadali umthelo we-duty.

Lezizinto zigoqela impuphu, itshukela, isawudo, amafutha okupheka, irayisi, uchago lokunye okutshiyeneyo.

Uthi abantu bazavunyelwa ukuthengela lezizinto phandle kwelizwe mahala okwenyanga eziyisithupha ezilandelayo kulandela ukukhwela mahlayana kwentengo yempahla ezimqoka.

Lokhu kudlondlobaliswe ngumthetho owethulwe nguMongameli Emmerson Mnangagwa kunsukwana ezedluleyo obuvimba amabhanga ukuledisa izimali. Kodwa usususiwe lumthetho.

Unobhala jikelele wenhlanganiso emela izisebenzi, iZCTU uMnu Japhet Moyo utshele umsakazo weStudio 7 ukuthi ukuvunyelwa kwabantu ukuthenga izinto ezimqoka phandle lokhu kuzasebenzela izikhulu ezilemali yaphandle kuphela.

please wait

No media source currently available

0:00 0:02:33 0:00

Facebook Forum

XS
SM
MD
LG