amalinks wokungena

Breaking News

Emmerson Mnangagwa: Akhona Amankampani Asebenzelana Lamazwe Aphetsheya Ukuthi Intengo Iqanse Ezitolo


Impahla ezitolo seziqalisile ukunyamalala
Impahla ezitolo seziqalisile ukunyamalala

Umongameli Emmerson Mnangagwa uthi uhulumende uphakathi kokucwayisisa isandla esingaba sisebenzelana lamankampani ukuthi akhweze intengo yokudla lempahla ezitolo mahlayana.

Umnangagwa utshele umhlangano awenze lenkokheli yamabandla ancintisa kukhetho olwedluleyo, eye Polad, izolo eHarare.

Inkokheli le ibikwa ibicele uMnangagwa ukuthi azochasisa ukuthi kuhamba njani kwezomnotho, intengo ezitolo yakhwela mihla ngemihla.

UMnagnagwa uthe sebeqale ngemabhanga okuyikho okulabanye abakhanya befuna ukuhuquluza umnotho.

Intengo yempahla ezitolo iqhubeka iqansa ngesiqubu esikhulu nsukuzonke okunye ukudla sokunyamalala emashelfini ezitolo.

Amafutha okupheka ayisilinganiso se two liters asethengwa ngemali ezinkulungwane $2 200 kuthi i10kg yempuphu isifika phose inkulungwane ezimbili, $2 000.

Irice eyi two kgs isithengwa ngamadola afika phose inkulungwane eyodwa, $899.

Inhlanganiso elwela ilungelo labathengi eye consumer council of Zimbabwe ithi imuli yabantu abahlanu isifuna imali engamadola ayinkulungwane ezikhulu lamatshumi amabili, $120 000 ukuthenga okumqoka nje kuphela ngenyanga inye.

Kusenjalo, abesifazana bathi ukukhuphuka kwentengo yempahla kubathwalisa amagabha avuzayo okwedlula abesiliza ngoba yibo okufanele benanzelele ukuthi umndeni wabo uyathola ukudla.

Okunengi ngaloludaba asikuzweni kungxoxo uSithandekile Mhlanga ayiqhube lonkosazana Otilia Sibanda umgcinisihlalo wogatsha lwabesifazana kunhlanganiso yeBulawayo Progressive Residents Association.

XS
SM
MD
LG