Omunye wabazithi yinkosi yamaNdebele, uMnu. Stanley Raphael Khumalo ubikwa ezahlangana lezizalwane zeZimbabwe ezihlala kwele South Africa lapho akhangelele ukuziqoqa ukuthi zibuyele ekhaya lapho azafika angena esigodlweni seState House koBulawayo ahle agcotshwe ukuba yinkosi yesizwe samaNdebele.
Kumagwaliba anxusa izizalwane zezimbabwe ukuthi ziye embuthanweni okhangelelwe ukwenziwa eBera Park kusasa ngehola le tshumi, 10am, abaqoqa lumbuthano bawuphe igama lokuthi imbizo the great crusade.
Umbiko lo uthi uKhumalo uzasuka kwele South Africa ekhokhela izizalwane zeZimbabwe ezizafika ziqhuba imbizo eState House andubana agcotshwe ukuba yinkosi.
Sixoxe lomunye wabakhulumela ubukhosi buka khumalo, uMnu. Justice Moyo ukuze sizwe okunengi ngaloludaba.