amalinks wokungena

Breaking News

Uhambo LukaMongameli Mnangagwa Emhlanganweni we Davos Luzalethela Ilizwe Zithelo Bani?


Umongameli Emmerson Mnangagwa.
Umongameli Emmerson Mnangagwa.

Uhambo lukamongameli Emmerson Mnangwa lokuya emhlanganweni wokutshala imali yokuvuselela umnotho lokulethela ilizwe osomabhizimusi abazasungula umsebenzi libonakala njengenyathelo elizalethela ilizwe inguquko nguhulumende.

Kodwa ingcwethi kwezenotho zithi uhambo lukamongameli lutshaphaza imali nje kuphela kungelanguqu ezabuya.

Umuntu ngamunye oya emhlangwaneni lo uhlawula imali engamadola eleMelika azinkulungwane ezilitshumi lasithoba munwe munye, $19 000.

UMnangagwa wahamba lequla elikhulu esebenziwa indizamtshina yokweboleka ebhadalwa imali engamadola azinkulungwane ezingamatshumi amathathu, $30 00 ngahola linye.

Ingcwethi ecubungula ezomnotho, uMnu. Rejoice Ngwenya uthi sokuleminyaka eminengi uMnangagwa esiya emhlanganweni lo kodwa kungela okuphumayo.

Lokhu kugcizelelwe ngenye njalo ingcwethi ecubungula ezombusazwe, uMnu. Methuseli Moyo. UMoyo uthi uMnangagwa ngabe uyaqala ngokulungisisa okuhluphayo elizweni andubana ayedinga uncedo phandle kwelizwe.

Kubikwa uhulumende ebhadale abelungu ukuthi bayemukela uMnangagwa eDavos begqoke impahla ezilempawu ze Zanu PF. Asenelisanga ukuzwa ukuthi kusetshenziswe malini yalokhu.

Ingcwethi ecubungula ezomnotho, uMnu. Effie Dlela Ncube uthi umhlangano we Davos waqala kudala kodwa awukaze uphathise ilizwe.

Ekhuluma emhalnanweni lo namuhla, uMnangagwa uthe izwekazi le Africa kumele lizinekekele ngokudla ngoba lilomhlabathi ovumela lokhu.

XS
SM
MD
LG