amalinks wokungena

Breaking News

Umiswe Enkantolo Obeqoqa Ukubulala Owake Waba Ngumholi weMelika uMnu George Bush


Former U.S. President George W. Bush speaks during an event commemorating the 20th anniversary of the September 11,

WASHINGTON DC - Owesilisa odubule wabulala abantwana besikolo abangamatshumi phose amabili, 19, lababalisi ababili esigabeni seTexas ngoLwesibili uhlasele ngemibhobho ayithenga ngokusemthethweni, kubike amapholisa.

Amapholisa athi njalo omunye wemibhobho le uwuthenge ngeviki edluleyo.

Umsolwa, odutshilwe ngamapholisa wafa, ubikwa ememezele injongo yokuyahlasela kwakhe esikolo seRobbs Elementary School kuFacebook phambilini kwalesi sehlakalo.

Kusenjalo, kulesizalwane sakweleIraq esimiswe enkantolo esabelweni seOhio sisetheswa icala lokuqoqa ukubulala owake waba nguMongameli weMelika uMnu George Bush.

Umsolwa nguShihab Ahmed Shihab Shihab oleminyaka yokuzalwa engamatshumi amahlanu lambili, 52, njalo ohlala eMelika.

Amapholisa ogatsha lweFBI athi uShihab wayezama ukungenisa eMelika ngudlu amalunga eqembu elidume ngobudlova eleISIS ukuze azebulala uBush.

EsanguMongameli, uBush wathumela amabutho kweleIraq ukuyagenqula uhulumende kaSadam Hussein kulandela ukuhlaselwa kweMelika kusehlakalo esaziwa ngokuthi yi9/11.

Ocubungula ezombusazwe uMnu Difa Dube utshele iStudio 7 ukuthi isehlakalo lesi siveza sobala ukuthi abaphephile neze ababengabaholi beMelika ngezenzo zabo ezingaba zacunula abanye.

please wait
Embed

No media source currently available

0:00 0:03:36 0:00

Facebook Forum

XS
SM
MD
LG