amalinks wokungena

Breaking News

Owesilisa Uhlasele Esikolo Ngombhobho eMelika Wabulala Abantwana Abangu-18 Labadala Abathathu


People react outside the Ssgt. Willie de Leon Civic Center, where students had been transported from Robb Elementary School after a shooting, in Uvalde, Texas, May 24, 2022.
People react outside the Ssgt. Willie de Leon Civic Center, where students had been transported from Robb Elementary School after a shooting, in Uvalde, Texas, May 24, 2022.

WASHINGTON DC - Kulowesilisa ovuke ubhova eMelika, esigabeni seTexas izolo wadubula wabulala abantwana besikolo abangamatshumi phose amabili, 18, labantu abadala abathathu, 3, abagoqela umbalisi.

Behlangene abafileyo, bangamatshumi amabili lanye, 21. Abanengi babikwa belimele njalo balaliswe ezibhedlela.

Umsolwa uSalvador Ramos, yena oleminyaka yokuzalwa engamatshumi phose amabili, 18, laye udutshulwe ngamapholisa wafa.

Uhlasele ngemibhobho esikolo semfundo yaphansi, eseRobb Elementary School wabulala abantwana abaleminyaka ephakathi kweyisikhombisa, 7, kusiya kwelitshumi, 10.

Abanye babantwana laba bebesenza izifundo zikaGrade 2, uGrade 3 loGrade 4. Amapholisa athi asaphenya.

Izehlakalo zokubulawa kwabantwana besikolo labantu makhaza ngalindlela zibhahile kakhulu eMelika.

Ngeviki edluleyo kulosakhulayo omhlophe ozonda abensundu odubule wabulala abantu abalitshumi kwesinye isitolo sabantu abamnyaka esigabeni seBuffalo, eNew York.

UMongameli Joe Biden usole kakhulu isehlakalo sayizolo waxwayisa iphalamende yeMelika ukuthi ipasise umthetho onqabela ukuthengiswa mahlayana kwezikhali.

please wait

No media source currently available

0:00 0:00:51 0:00

Isizalwane seZimbabwe esihlala eTexas uMnu Raphael Mthombeni utshele iStudio 7 ukuthi isehlakalo lesi sibatshiye bethithibele.

please wait

No media source currently available

0:00 0:03:25 0:00

XS
SM
MD
LG