amalinks wokungena

Breaking News

UMnangagwa useDavos Emhlanganweni weWorld Economic Forum, Abanye Bathi Uzaphenduka Elengise Izandla


President EMMERSON MUNGAGWA

WASHINGTON DC - UMongameli Emmerson Mnangagwa useDavos, kweleSwitzerland, namuhla emhlanganweni weWorld Economic Forum (WEF) lapho uhulumende athi uzazama khona ukuhuga abatshali bezimali.

UMnangagwa usuke eHarare izolo lequla labaphathimtambo bakahulumende abagoqela owezemali uMnu Mthuli Ncube, obona ngezamankampani lokuthengiselana uNkosikazi Sekai Nzenza, owobudlelwano beZimbabwe lamanye amazwe uMnu Frederick Shava kanye leziphathamandla zengatsha ezitshiyeneyo.

Amaphephandaba kahulumende athi uMongameli Mnangagwa uzakhuluma emhlanganweni oqondane labatshali bezimali kusasa.

Emihlanganweni edluleyo, uMnangagwa useke wacela abakwamanye amazwe ukuthi bazevula amabhizimusi eZimbabwe kodwa abanye bathi imizamo yakho ayiphumelelanga.

Ingcwethi kwezombusazwe uMnu Effie Dlela Ncube uthi ngaphandle kokuthi uhulumende ahloniphe amalungelo oluntu njalo aqhube ukhetho olukhululekileyo, uMnangagwa uzahlala ehlabela ingoma yakhe ethi ‘Zimbabwe is Open for Business’ kodwa abatshali bezimali abasoze babuye.

please wait

No media source currently available

0:00 0:03:49 0:00

Khpeha umphathintambo wezemali uMnu Mthuli Ncube uthi lumkhankaso uyaphumelela njalo uthi umnotho weZimbabwe uyathuthuka lanxa nje imali yakuleli iqhubeka ilahlekelwa luhlonzi.

Facebook Forum

XS
SM
MD
LG