amalinks wokungena

Breaking News

Amalunga eMthwakazi Republic Party Ayisitshiyangalombili Agwetshelwa Ukuhlala Okweminyaka Emithathu Entolongweni


Uphawu lweMthwakazi Republic Party
Uphawu lweMthwakazi Republic Party

Umantshi uMnu. Sangster Tawengwa ngoLwesihlanu ugwebe amalunga ebandla leMthwakazi Republic Party ayisikhombisa ukuthi ahlale entolongweni okwenyanga ezingamatshumi amathathu lantathu-33, kwathi ababili ezingamatshumi amathathu lasithupha-36 munye-ngamunye, kucala abaletheswayo elokubangela udlakela ngomnyaka odluleyo koBulawayo bedinga umkhokheli wabo uMnu. Mqondisi Moyo.

Abayisitshiyangalombili laba bake bavalelwa okwenyanga phose ezintathu ngomnyaka odluleyo enkambeni zeKhami leMlondolozi koBulawayo, njalo abanye babo bathi batshaywa balimala kubi.

Bebethoniswa bephandle komthethwandaba kusukela ngomnyaka odluleyo ngoba beku bail kodwa baphinde bavalelwa entolongweni ngeviki edluleyo.

Abagwetshiweyo babalisa oNkosazana Sibongile Banda, Busi Moyo, laboMnumzana Tinos Nkomo, Levison Ncube, Akim Ndebele, Nkosinathi Ncube, Maxwell Nkosi, Mongameli Xukuthwayo Mlotshwa, lo Welcome Moyo. Amagqwetha abo athi azasiphikisa lesi isigwebo.

Embikweni eliwethule ngemva kwalesi isigwebo, ibandla leMRP lithi lizaphikisa lesi isinqumo emthethwandaba ophezulu owe high court.

Lichothoze indlela eliphathwa ngayo zingatsha ezehlukeneyo zikahulumende lisithi kulenkethabetshabi lokuhlukunyezwa.

Linikeze umzekeliso wokuthi amasotsha lamapholisa ahlome aphelela ngemibhobho lentuthu ehitshayo eye teargas, ande ukunyakazela phandle komthethandaba nxa bethoniswa.

Asenelisanga ukukhuluma legqwetha elibamelayo uMnu. Kwanele Mbongeni Nxumalo ukuze sizwe ukuthi kahle-kahle kwenzakeleni emthethwandaba, ngoba engakaphenduli imibuzo esimthumele yona ngesikhathi sisiya emoyeni.

XS
SM
MD
LG