amalinks wokungena

Breaking News

Bathakazelela Ukukhutshulwa Kweminyaka Yabantwana Yokuya Emacansini Loba Kulabanye Abazakwephula Umthetho Omutsha


Uphosa amazwe eHarare ... (AP)
Uphosa amazwe eHarare ... (AP)

Abanye abalotsholwa besakhula bathakazelela ukukhuphulwa kweminyaka yamankazana yokuya emacansini besithi kwababambelela kakhulu empilweni ukwenda besakhula.

UNkosikazi Biance Dube, ngomunye wabathakazelela okwenziwe lidale leConstitutional Court elikhuphule iminyaka yokuba amankazana aye emacansini isuka kwelitshumi lasithupha – 16 isiya kwelitshumi lasitshiyangalombili – 18. Wenda eleminyaka elitsumi lamane- 14.

Banengi abakusimo esifanayo abakhulume lomsakazo weStudio 7 abethule okufanayo. UNkosikazi Plaxedis Moyo, osebenza kunhlanganiso elwela amalungelo abomama eyeMthonjeni Women’s Forum, uthi akulunganga ukwendisa abantwanyana.

Lokhu kusekelwa nguMfundisi Ben Ndlovu ohlala koBulawayo.

Osebenza labantwana abatshada bebancade, uNkosikazi Bongiwe Dube, uthi kunengi okuhlupha amankazana atshada esakhula.

Iggqwetha elilwela ilungelo loluntu, uMnu. Matshobana Ncube, uthi kulomthetho owawuphambana lesisekelo sombuso welizwe osuguqulwe yisinqumo seConstitutional Court. UNcube uthi idale lephalamende sokumele libumbe umthetho ozanqabela ukwenda kwabantwana abangamankazana.

UNcube uthi amapholisa kumele abophe abazakwephula umthetho.

Akwaziwa ukuba abantu bazalandela okwethulwe lidale leConstitutional Court kumbe bazaqhubekela phambili belobola abantwana abangamankazana abasakhulayo.

XS
SM
MD
LG